„რუსთავი-საგარეჯოს” მონაკვეთზე სამშენებლო სამუშაოების თითქმის 80% შესრულებულია

27 აგვისტო, 2014
მაგისტრალური გაზსადენების სისტემის კახეთის განშტოების ”რუსთავი-საგარეჯოს” 300მმ-იანი დიამეტრის 25კმ-იანი მონაკვეთის მშენებლობის პროცესი აქტიურად გრძელდება. აღნიშნულ მონაკვეთზე სამშენებლო სამუშაოების 79% უკვე შესრულებულია.

5 194 207 ლარის ღირებულების სამუშაოები, რომელსაც ტენდერში გამარჯვებული ქართული კომპანია - შპს “კომფორტმშენ XXI“ აწარმოებს, 2014 წლის თებერვალში დაიწყო და, კონტრაქტის თანახმად, მიმდინარე წლის სექტემბერში დასრულდება.

”რუსთავი-საგარეჯოს” 300მმ-იანი დიამეტრის 25კმ-იანი მონაკვეთის მშენებლობის პროექტი კახეთის გაზმომარაგების სისტემის სრულყოფასა და მილსადენების ფუნქციონირების საიმედოობის ამაღლებას ისახავს მიზნად. პროექტის დასრულებით უზრნველყოფილი იქნება მთლიანად კახეთის რეგიონის უწყვეტი გაზმომარაგება ე.წ. წრიული მიწოდების სისტემის გამოყენებით.

სხვა სიახლეები