ბუნებრივი გაზის იმპორტი კორპორაციის ძირითად ბიზნეს–საქმიანობას წარმოადგენს. წლიდან წლამდე საქართველოს ნავთობისა და გაზის კორპორაცია ბუნებრივი გაზით უზრუნველყოფს ქვეყნის საერთო ბაზრის ნახევარზე მეტს. იმპორტი და შემდგომი საბითუმო რეალიზაცია ძირითადად ე.წ. სოციალური მომხმარებლების (ელექტროგენერაციის ობიექტები და მოსახლეობა) უზრუნველყოფის მიზნით ხორციელდება.
ელექტროენერგიის წარმოება/მიწოდება კორპორაციის საქმიანობის შედარებით ახალი მიმართულებაა. ელექტროენერგიის წარმოება ხორციელდება ქ.გარდაბანში მდებარე თბოელექტროსადგურის მეშვეობით. წარმოებული ელექტორენერგია უწყვეტ რეჟიმში მიეწოდება გამანაწილებელ კომპანიებს, რომლებიც თავის მხრივ აწვდიან გამომუშავებულ ელექტროენერგიას საცალო მომხმარებლებს.
კორპორაციის საქმიანობის ერთ-ერთ მიმართულებას წარმოადგენს საქართველოს ტერიტორიაზე ნავთობმომპოვებელი კომპანიების მიერ მოპოვებული ნავთობის სახელმწიფოს კუთვნილი წილის რეალიზაცია.
ეფექტური და სტაბილური ბიზნეს მოდელი საშუალებას გვაძლევს მაქსიმალური ეფექტურად წარვმართოთ კორპორაციის ბიზნეს-საქმიანობა.
კორპორაციის საქმიანობა მოიცავს სამ ძირითად მიმართულებას:
ბუნებრივი გაზის იმპორტი/მიწოდება;
ნავთობის მოპოვება/ტრანსპორტირება;
ელექტროენერგიის წარმოება/მიწოდება.