„აღმოსავლეთ-დასავლეთის" მაგისტრალური გაზსადენის 20,5 კმ-იანი მონაკვეთის მშენებლობა საოკუპაციო გამყოფი ზოლის სიახლოვეს მიმდინარეობს
27 თებერვალი, 2024
საქართველოს ნავთობისა და გაზის კორპორაცია შიდა ქართლში, საოკუპაციო გამყოფი ხაზის სიახლოვეს, „აღმოსავლეთ-დასავლეთის" მაგისტრალური გაზსადენის "ლეხურა-სვენეთის" 20,5 კმ-იან მონაკვეთს აშენებს.
სამშენებლო სამუშაოებზე ადგილობრივი მოსახლეობაა დასაქმებული.
მილსადენის მე-12 კილომეტრის მშენებლობის სამუშაოებს, სოფელ ნადარბაზევთან, ეკონომიკისა და მდგრადი განვითარების სამინისტროს, შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და ნავთობისა და გაზის კორპორაციის ხელმძღვანელი პირები გაეცნენ. სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსის ჯუბო ტურაშვილის განცხადებით, სამუშაოების დასრულების შემდეგ მნიშვნელოვნად გაიზრდება როგორც უშუალოდ გამყოფი ხაზის სიახლოვეს არსებული დასახლებების, ისე მთლიანად საქართველოს გაზმომარაგების ერთიანი სისტემის ფუნქციონირების ხარისხი.
„მნიშვნელოვანია, რომ გაზსადენის მშენებლობის პროცესში ადგილობრივი მოსახლეობაა დასაქმებული. საქართველოს მთავრობა და ეკონომიკის სამინისტრო აქტიურად განაგრძობენ ქვეყნის რეგიონების გაზიფიკაციას, გაზსადენების სისტემის გამართული მუშაობა კი მოსახლეობის ენერგორესურსებზე წვდომისა და მიწოდების საიმედოობის უზრუნველყოფის გარანტიაა“ - აღნიშნა ჯუბო ტურაშვილმა.
როგორც საქართველოს ნავთობისა და გაზის კორპორაციის გენერალურმა დირექტორმა გიორგი ჩიქოვანმა განმარტა, ახალ მილსადენს განსაკუთრებულ მნიშვნელობას სძენს ის ფაქტი, რომ მისით „აღმოსავლეთი - დასავლეთის“ მაგისტრალური გაზსადენის განახლება გრძელდება და თან, იგი საოკუპაციო გამყოფი ხაზის სიახლოვეს გადის. „შარშან წარმატებით დავასრულეთ ნატახტარი - ლეხურას 31-კმ-იანი მონაკვეთი. კორპორაციას მაღალი წნევის მაგისტრალური გაზსადენების მშენებლობის არაერთი პროექტი აქვს განხორციელებული და შესაბამისად, მდიდარი გამოცდილება გააჩნია. მაგისტრალურ გაზსადენზე სარეაბილიტაციო - სამშენებლო სამუშაოების დასრულების შემდეგ ჩვენი ქვეყნის გაზის ქსელური ინფრასტრუქტურის მოწყობა მნიშვნელოვნად გაუმჯობესდება,“ - განაცხადა გიორგი ჩიქოვანმა და დასძინა, რომ კორპორაცია აგრძელებს გაზის ტრანსპორტირების სისტემის მშენებლობასა და რეაბილიტაციას ქსელის განვითარების 10 - წლიანი გეგმის შესაბამისად, რომელიც ეკონომიკისა და მდგრადი განვითარების სამინისტროს მიერაა დამტკიცებული.
სახელმწიფო მინისტრის აპარატის დეპარტამენტის უფროსის ზვიად ზვიადაძის თქმით, აღნიშნული პროექტი უმნიშვნელოვანესია იმ მოსახლეობისთვის, რომელიც გამყოფი ხაზის გასწვრივ ცხოვრობს. „ჩვენი ქვეყნის აღმშენებლობა, ყოველდღე საქმის კეთება მკაფიო გზავნილია გამყოფი ხაზის მიღმა მცხოვრები ჩვენი ქვეყნის მოქალაქეებისთვისაც, რათა დაინახონ განსხვავება იმას შორის, რაც ჩვენთან ხდება და რაც, სამწუხაროდ, ოკუპირებულ ტერიტორიებზე ხდება. ამ ყველაფრისთვის თითოეულ ადამიანს, ვინც აქაა დასაქმებული, მინდა მადლობა გადავუხადო", - განაცხადა ზვიად ზვიადაძემ.
აღსანიშნავია, რომ "ლეხურა-სვენეთის" 20.5 კმ-იანი მშენებარე მილსადენი ჩაანაცვლებს უკვე არსებულ მოძველებულ მონაკვეთს და აგრეთვე, ახალ ტერიტორიებსაც მოიცავს. ახალი გაზსადენი ექსპლუატაციაში 2024 წლის მეორე ნახევარში შევა.
სამშენებლო სამუშაოებზე ადგილობრივი მოსახლეობაა დასაქმებული.
მილსადენის მე-12 კილომეტრის მშენებლობის სამუშაოებს, სოფელ ნადარბაზევთან, ეკონომიკისა და მდგრადი განვითარების სამინისტროს, შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და ნავთობისა და გაზის კორპორაციის ხელმძღვანელი პირები გაეცნენ. სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსის ჯუბო ტურაშვილის განცხადებით, სამუშაოების დასრულების შემდეგ მნიშვნელოვნად გაიზრდება როგორც უშუალოდ გამყოფი ხაზის სიახლოვეს არსებული დასახლებების, ისე მთლიანად საქართველოს გაზმომარაგების ერთიანი სისტემის ფუნქციონირების ხარისხი.
„მნიშვნელოვანია, რომ გაზსადენის მშენებლობის პროცესში ადგილობრივი მოსახლეობაა დასაქმებული. საქართველოს მთავრობა და ეკონომიკის სამინისტრო აქტიურად განაგრძობენ ქვეყნის რეგიონების გაზიფიკაციას, გაზსადენების სისტემის გამართული მუშაობა კი მოსახლეობის ენერგორესურსებზე წვდომისა და მიწოდების საიმედოობის უზრუნველყოფის გარანტიაა“ - აღნიშნა ჯუბო ტურაშვილმა.
როგორც საქართველოს ნავთობისა და გაზის კორპორაციის გენერალურმა დირექტორმა გიორგი ჩიქოვანმა განმარტა, ახალ მილსადენს განსაკუთრებულ მნიშვნელობას სძენს ის ფაქტი, რომ მისით „აღმოსავლეთი - დასავლეთის“ მაგისტრალური გაზსადენის განახლება გრძელდება და თან, იგი საოკუპაციო გამყოფი ხაზის სიახლოვეს გადის. „შარშან წარმატებით დავასრულეთ ნატახტარი - ლეხურას 31-კმ-იანი მონაკვეთი. კორპორაციას მაღალი წნევის მაგისტრალური გაზსადენების მშენებლობის არაერთი პროექტი აქვს განხორციელებული და შესაბამისად, მდიდარი გამოცდილება გააჩნია. მაგისტრალურ გაზსადენზე სარეაბილიტაციო - სამშენებლო სამუშაოების დასრულების შემდეგ ჩვენი ქვეყნის გაზის ქსელური ინფრასტრუქტურის მოწყობა მნიშვნელოვნად გაუმჯობესდება,“ - განაცხადა გიორგი ჩიქოვანმა და დასძინა, რომ კორპორაცია აგრძელებს გაზის ტრანსპორტირების სისტემის მშენებლობასა და რეაბილიტაციას ქსელის განვითარების 10 - წლიანი გეგმის შესაბამისად, რომელიც ეკონომიკისა და მდგრადი განვითარების სამინისტროს მიერაა დამტკიცებული.
სახელმწიფო მინისტრის აპარატის დეპარტამენტის უფროსის ზვიად ზვიადაძის თქმით, აღნიშნული პროექტი უმნიშვნელოვანესია იმ მოსახლეობისთვის, რომელიც გამყოფი ხაზის გასწვრივ ცხოვრობს. „ჩვენი ქვეყნის აღმშენებლობა, ყოველდღე საქმის კეთება მკაფიო გზავნილია გამყოფი ხაზის მიღმა მცხოვრები ჩვენი ქვეყნის მოქალაქეებისთვისაც, რათა დაინახონ განსხვავება იმას შორის, რაც ჩვენთან ხდება და რაც, სამწუხაროდ, ოკუპირებულ ტერიტორიებზე ხდება. ამ ყველაფრისთვის თითოეულ ადამიანს, ვინც აქაა დასაქმებული, მინდა მადლობა გადავუხადო", - განაცხადა ზვიად ზვიადაძემ.
აღსანიშნავია, რომ "ლეხურა-სვენეთის" 20.5 კმ-იანი მშენებარე მილსადენი ჩაანაცვლებს უკვე არსებულ მოძველებულ მონაკვეთს და აგრეთვე, ახალ ტერიტორიებსაც მოიცავს. ახალი გაზსადენი ექსპლუატაციაში 2024 წლის მეორე ნახევარში შევა.