საქართველოს ნავთობისა და გაზის კორპორაციის გენერალური დირექტორი ნინოწმინდის საბადოზე მიმდინარე სამუშაოებს გაეცნო
08 ოქტომბერი, 2026
საქართველოს ნავთობისა და გაზის კორპორაციის გენერალური დირექტორი ეკატერინე სისაური, კორპორაციის ხელმძღვანელ პირებთან ერთად, საგარეჯოს მუნიციპალიტეტის სოფელ პატარძეულში, ნინოწმინდის საბადოზე მიმდინარე ბურღვით სამუშაოებს გაეცნო.
ეკატერინე სისაურმა პროექტის მიმდინარეობისა და განხორციელების ეტაპების შესახებ დეტალური ინფორმაცია უშუალოდ სამუშაოებში ჩართული სპეციალისტებისგან მიიღო.
სალიცენზიო ფართობზე ბურღვას „ნინოწმინდის ნავთობკომპანია“ სახელმწიფოსთან გაფორმებული პროდუქციის წილობრივი განაწილების ხელშეკრულების ფარგლებში ახორციელებს. პროექტი ნინოწმინდის N4 ჭაბურღილზე ნავთობის მოპოვების გაზრდას ისახავს მიზნად.
ჭაბურღილის ძველი ჰორიზონტალური ლულის გაწყლიანების გამო ახალი ლულის სხვა მიმართულებით ბურღვა განხორციელდა. ჰორიზონტალური ბურღვის თანამედროვე ტექნოლოგია ნავთობშემცველი ფენების უფრო ეფექტიან ათვისებასა და საბადოს რესურსების მაქსიმალურ გამოყენებას უზრუნველყოფს.