საქართველოს ნავთობისა და გაზის კორპორაციამ მეორადი მილების გასაყიდად განმეორებითი აუქციონი გამოაცხადა

საქართველოს ნავთობისა და გაზის კორპორაციამ, სახელმწიფო ქონების ეროვნული სააგენტოს ელექტრონულ პლატფორმაზე, საკუთრებაში არსებული მეორადი მილების სარეალიზაციოდ განმეორებითი აუქციონი გამოაცხადა.

სააუქციონო პლატფორმაზე განსხვავებული ზომის მილების 8 ლოტია წარმოდგენილი, რომელთა ჯამური ღირებულება 4 528 000 ლარამდეა.

აუქციონის პირობები უცვლელია - საბანკო გარანტიის ოდენობა შესაბამისი ლოტის საწყისი ფასის 10%-ს შეადგენს, ხოლო ბიჯის ოდენობა განსაზღვრულია საწყისი ფასის 2%-ით.

აუქციონში მონაწილეობის მსურველთათვის განაცხადების მიღება უკვე დაწყებულია. აუქციონი 2026 წლის 23 ივნისიდან 22 ივლისის ჩათვლით გაიმართება.

აღსანიშნავია, რომ კორპორაციამ აღნიშნული ქონების გასხვისების მიზნით პირველი აუქციონი მიმდინარე წლის 8-დან 22 მაისამდე პერიოდში გამართა. პირველად ეტაპზე გამარჯვებული ერთ-ერთ ლოტზე გამოვლინდა, რის შედეგადაც გაფორმდა ნასყიდობის ხელშეკრულება, გასხვისებული ქონების ღირებულებამ კი 696 302 ლარი შეადგინა.

სარეალიზაციო მილები განთავსებულია ლილოს, საგურამოსა და ლანჩხუთის საწყობებში.