”რუსთავი‐საგარეჯოს” 25კმ-ნი მონაკვეთის მშენებლობაში მონაწილეობის სურვილი ოთხმა კომპანიამ გამოთქვა
24 დეკემბერი, 2013
კახეთის მაგისტრალური გაზსადენის ”რუსთავი‐საგარეჯოს” DN300 25კმ-ნი მონაკვეთის მშენებლობაში მონაწილეობის სურვილი ოთხმა კომპანიამ გამოთქვა.
კომპანიებმა “საქმილსადენმშენი”, Fobos LTD, “რაპიდ ინჯინერინგი & კონსტრაქშენი” და “კომფორტმშენ XXI” ტენდერში სხვადასხვა ფასი დააფიქსირეს. ყველაზე დაბალი ფასი - 2.380.000.00 ლარი კი “კომფორტმშენ XXI”-მა დააფიქსირა.
ნავთობისა და გაზის კორპორაციაში ამჟამად კომპანიების შერჩევა-შეფასების პროცესი მიმდინარეობს, რომლის შემდეგ გამოვლინდება გამარჯვებული კომპანია.
კახეთის მაგისტრალური გაზსადენის რუსთავი-საგარეჯოს მონაკვეთზე გასული საუკუნის 90-იან წლებამდე ფუნქციონირებდა DN300 რუსთავი-თელავის მაგისტრალური გაზსადენის ასეთივე დასახელების მონაკვეთი. 1985-1989 წლებში საქართველოს მაგისტრალური გაზსადენების განვითარების პროგრამის შესაბამისად რუსთავი-გურჯაანის მონაკვეთზე (0-89კმ) აშენდა მაგისტრალური გაზსადენის მეორე ხაზი DN500 მილებით. გასული საუკუნის 90-იან წლებში მოხდა მაგისტრალური გაზსადენის ელექტროქიმიური დაცვის სისტემის მასიური დატაცება, რამაც გამოიწვია კოროზიული პროცესების გააქტიურება. გაზსადენის არადამაკმაყოფილებელი ტექნიკური მდგომარეობის გამო რუსთავი-საგარეჯოს მონაკვეთზე მოხდა DN300 გაზსადენის დემონტაჟი. გაზის დანაკარგების შემცირების მიზნით მიღებულ იქნა გადაწყვეტილება რუსთავი-საგარეჯოს მონაკვეთის ექსპლუატაციიდან გამორთვის შესახებ. რეგიონი დღემდე ბუნებრივ აირს მხოლოდ ჟინვალის მხრიდან იღებს. ამ ეტაპზე, დღის წესრიგში დგას კახეთის გაზმომარაგების სისტემის სრულყოფა და მილსადენების ფუნქციონირების საიმედოობის ამაღლება.
კომპანიებმა “საქმილსადენმშენი”, Fobos LTD, “რაპიდ ინჯინერინგი & კონსტრაქშენი” და “კომფორტმშენ XXI” ტენდერში სხვადასხვა ფასი დააფიქსირეს. ყველაზე დაბალი ფასი - 2.380.000.00 ლარი კი “კომფორტმშენ XXI”-მა დააფიქსირა.
ნავთობისა და გაზის კორპორაციაში ამჟამად კომპანიების შერჩევა-შეფასების პროცესი მიმდინარეობს, რომლის შემდეგ გამოვლინდება გამარჯვებული კომპანია.
კახეთის მაგისტრალური გაზსადენის რუსთავი-საგარეჯოს მონაკვეთზე გასული საუკუნის 90-იან წლებამდე ფუნქციონირებდა DN300 რუსთავი-თელავის მაგისტრალური გაზსადენის ასეთივე დასახელების მონაკვეთი. 1985-1989 წლებში საქართველოს მაგისტრალური გაზსადენების განვითარების პროგრამის შესაბამისად რუსთავი-გურჯაანის მონაკვეთზე (0-89კმ) აშენდა მაგისტრალური გაზსადენის მეორე ხაზი DN500 მილებით. გასული საუკუნის 90-იან წლებში მოხდა მაგისტრალური გაზსადენის ელექტროქიმიური დაცვის სისტემის მასიური დატაცება, რამაც გამოიწვია კოროზიული პროცესების გააქტიურება. გაზსადენის არადამაკმაყოფილებელი ტექნიკური მდგომარეობის გამო რუსთავი-საგარეჯოს მონაკვეთზე მოხდა DN300 გაზსადენის დემონტაჟი. გაზის დანაკარგების შემცირების მიზნით მიღებულ იქნა გადაწყვეტილება რუსთავი-საგარეჯოს მონაკვეთის ექსპლუატაციიდან გამორთვის შესახებ. რეგიონი დღემდე ბუნებრივ აირს მხოლოდ ჟინვალის მხრიდან იღებს. ამ ეტაპზე, დღის წესრიგში დგას კახეთის გაზმომარაგების სისტემის სრულყოფა და მილსადენების ფუნქციონირების საიმედოობის ამაღლება.