მაგისტრალური გაზსადენის ახალქალაქამდე მიყვანის მიზნით საქართველოს ნავთობისა და გაზის კორპორაციამ ტენდერი გამოაცხადა

მაგისტრალური გაზსადენის ახალქალაქამდე მიყვანის მიზნით საქართველოს ნავთობისა და გაზის კორპორაციამ ტენდერი გამოაცხადა.

ტენდერი ითვალისწინებს წითელი ხიდი-წალკა-ალასტანის დაუმთავრებელი 300მმ-იანი მაგისტრალური გაზსადენის სარეაბილიტაციო-სამშენებლო სამუშაოების შესყიდვას და ტენდერში მონაწილეობის მისაღებად იწვევს ყველა დაინტერესებულ პირს.

პროექტის ფარგლებში დაგეგმილია არსებული გაზსადენის მონაკვეთების (700 მეტრი) სარეაბილიტაციო-სამშენებლო სამუშაოების განხორციელება და დაახლოებით 6-კილომეტრიანი მონაკვეთის გაზსადენის მშენებლობა.

ტენდერში მონაწილეობის მიღება შეუძლია ყველა დაინტერესებულ ფიზიკურ და იურიდიულ პირს. დაინტერესებულმა პირებმა ქართულ ენაზე შედგენილი სატენდერო წინადადება და საკვალიფიკაციო მონაცემები 2007 წლის 6 ნოემბრის 16:00 საათამდე დახურულ კონვერტში უნდა წარმოადგინონ.